20040915_orientaldaily_01.jpg
鄭浩南當日在上水古洞吊威也,被梳頭師質問偷膠水,令他即時扯火,除下威也落地對質。

大人大姐無端端被屈偷支十幾蚊的膠水,真係佛都有火,難怪鄭浩南(阿Mark)即場大發脾氣罷拍,要高層出面找出真相才肯復工。

阿Mark鄭浩南於三個月前帶同懷孕之太太由馬來西亞來港,拍攝劇集《我和殭屍有個約會》續集,劇中他飾演世上第一個男人「人王」,與陳煒飾演一對。

從未收到膠水

阿Mark之造型需要戴頭套,每次開工就由梳頭師為他用專用膠水黐頭套,由於時值夏天,經常拍到大汗疊細汗,頭套膠水都被溶掉,要勞煩梳頭師為他再補膠 水,阿Mark一心以為補膠水如此瑣碎可以自己搞掂,不用次次都麻煩梳頭師,一次開工時遂提議梳頭師給他一支膠水,雖然當時獲梳頭師答應,但直至收工阿 Mark都未收到支膠水。

自此阿Mark發現每次要梳頭,所有梳頭師之態度都非常差,問他為何沒有帶膠水,令阿Mark一頭霧水,但他仍不以為然。在九月四日即阿Mark完工前兩 日,他與一班主要演員尹天照、萬綺雯等於上水古洞拍攝一場煞科的大打戲,正是凌晨時分,阿Mark正在吊威也,突然被一梳頭師當眾大聲質問:「係人都知樽 膠水畀你拿走了,你又唔認,又唔拿番出來!」

阿Mark聽到此話立即無名火起三千丈,立即除下威也,問對方究竟講甚麼?但該梳頭師仍然再講:「你唔好唔認,係你拿走膠水。」阿Mark有感無故被屈, 想衝前打對方,但仍然努力控制自己,立即致電經理人要求代出頭,阿Mark強調從來無人將膠水交給他,現在無故被唱衰「偷膠水」實在忍無可忍。在經理人力 勸後,他決定完成當晚戲份,但翌日表明若事情未能解決他決不再開工。

結果事件驚動亞視高層,在高層查明真相後,梳頭師承認從無將膠水交給阿Mark,遂在阿Mark再開工時,當眾向阿Mark道歉,事件才告平息。
目前阿Mark已完成所有戲份返回馬來西亞,記者向他求證此事,阿Mark淡然的說:「我唔想再多講,既然件事已經解決了,我唔再追究。」

東方日報 http://www.orientaldaily.com.hk/

創作者介紹

【浩海南天】鄭浩南

markcheng 發表在 痞客邦 PIXNET 留言(0) 人氣()