20041028_apple_01.jpg
太太即將分娩,鄭浩南一早返回大馬陪老婆。

20041028_apple_02.jpg
鄭浩南太太Ailyn腹大便便打網球,不怕動胎氣。

20041028_apple_03.jpg
鄭浩南教潛水,大肚妻子Ailyn在池邊擔任助教。

鄭浩南太太尚有三星期便分娩,但她每日仍做四小時運動,挺著大肚子打網球。原來鄭太正忙於寫一本有關孕婦破除中國數千年傳統禁忌的書籍,與其他孕婦分享心得。

鄭浩南(Mark)最近回港為《我和殭屍有個約會III之永恆國度》宣傳後,日前已返大馬陪伴即將分娩的太太Ailyn,阿Mark尚有三個星期就做父親,所以近期心情特別緊張。

阿Mark的太太是馬來西亞華僑,夫婦二人非常反傳統,因為按照中國數千年習俗,孕婦有很多傳統禁忌,例如不可以做劇烈運動、吃生冷食物、家居裝修和坐樓梯等,但Ailyn卻全部做足,並會將自己不一般的懷孕心得寫成書與其他孕婦分享。

難產取消出書

阿Mark日前在大馬陪腹大便便的太太一起打網球,在場人士看到身穿兩件頭運動服,露出大肚皮的Ailyn身手依然敏捷,歎為觀止。阿Mark接受電話訪 問說:「我們兩公婆都覺得中國人生BB有太多禁忌,所以我們想做一個實驗,就係反傳統,做晒所有大肚婆話禁忌的事情後,一樣可以自然順產生BB後,老婆就 會出本叫《WhyChinesePeopleCannot?》的書。想在書入面話畀大家聽,點解中國人唔可以做乜做乜,人家外國孕婦乜都做得,呢本書會有 中英文版本,初步諗住會在大馬同香港出版,如果老婆唔係順產,咁部書當然唔會出版啦!」

囡囡名鄭喜文

阿Mark答應入產房陪太太生產,而且會將整個過程拍攝下來,他已替女兒改名為鄭喜文,英文名取了一個聖名Jada,阿Mark說:「我係天主教徒,個女 梗係要有聖名啦!呢排老婆身體好健康,每日keep住做四個鐘頭運動。早排我去教朋友潛水,佢都有來幫我手,雖然佢唔可以潛水,但係佢就在池邊做助教。」

採訪:魯萍

蘋果日報 http://appledaily.atnext.com/

創作者介紹

【浩海南天】鄭浩南

markcheng 發表在 痞客邦 PIXNET 留言(0) 人氣()