20041124_singtao.jpg
鄭浩南欲拍劇保持知名度。

(2004-11-24 04:05:00)

(綜合報道)(星島日報報道)鄭浩南現居馬來西亞,來香港只為工作,對人對事都沒有多少感情。他看不起娛樂圈某些人,看不順眼娛樂圈某些工作制度,曾經和無線的監製結怨,連香港潮流的瘦身熱都看不過眼,他今次來個不吐不快。
  鄭浩南來港為亞視劇《我和殭屍有個約會III》做宣傳,拍此劇他亦曾鬧出不快,被屈偷膠水要出動高層調停,事件才告平息,但他和無線的「仇恨」則是始於1986年。

   鄭浩南說﹕「我好記得係1986年7月,無線當年拍《刀馬旦》,原本陳錦鴻的角色係我做,當時監製係李元科,我要求1星期1日4個鐘頭時間練棒球,佢話 唔得,佢還以為我玩野,咁咪唔拍囉﹗有次王喜就來多謝我,佢話如果當年唔係我唔做,陳錦鴻冇得做我的角色,佢亦冇得做陳錦鴻個位。」

  「3年前我都無悔得罪過無線,而家有後悔了﹗因為如果而家幫無線拍劇,應該對我在馬來西亞做生意更好,當時又冇諗過電影會咁仆街嘛﹗」

  他不諱言為亞視拍劇集是想保持知名度,他目前在馬來西亞開設餐廳,他說去年才開始經營,之後成為特許經營店,今年會開第4間。

   問鄭浩南有沒有圈中朋友﹖他說﹕「冇喎﹗我都唔同人來往的,不用埋位我就匿埋車入面,唔想多留一分鐘在化裝間。我睇唔過眼點解在片場,高職位的人會畀低 級過佢的人用粗口鬧都可以若無其事﹖做演員都係咁講啦,香港電視、電影40幾年都係咁,個個都可以冇大冇細。見少些人好過,即係好似一家公司咁,有冇文員 仔走去鬧個經理﹖都要有制度,有規有矩嘛﹗」

  鄭浩南太太11月便分娩,挺著大肚子經常打網球,相信不用加入甚麼瘦身行列。一提瘦身二字又惹起鄭浩南不滿,他說﹕「甚麼排毒瘦身全部都呃人,瘦得來又唔健康,我諗住出本書踢爆這些所謂減肥方法,根本他們的減肥方法就唔健康。」

   鄭浩南講了這麼多,提到太太和即將出生的女兒,他就變得寬容了,他說﹕「好的女兒一個就夠,其實我很喜歡小孩子,應該會再生,但我想都會是女兒,因為我 身邊的多數是女人,我是說有太太和個女在身邊。而家我去飲酒都不會超過12點返屋企,一過了就是危險時間,在酒吧麻煩的人會特別多。」

星島日報 http://www.singtao.com/

arrow
arrow
    全站熱搜

    markcheng 發表在 痞客邦 留言(0) 人氣()